Tree

kaya 900

mi ta pasa kaya 900
el a kambia nomber
kambia largura
un kansansia pa pia chikitu
antes

awe den sodo
mi ta buska playground
mir’e chuchubi
asina nos tabata subi aire
riba swing
para liber
para felis

asfalt ta skibi un kuenta bieu
kada sker un kode
mi ta lesa bai pariba
kara strano den kasnan konosi
holo di laman ta guia mi
te na kueb’i Fontein
warawara ta baha
buska
sefta bientu
tera muda
kuantu kuenta bo ta warda
kuantu flecha bo ta skonde

kuantu biaha lo mi bolbe